ء"بىزدىڭ مينيسترلىك كۇزگى كەزەڭگە بارىنشا دايىندىق جۇمىستارىن جۇرگىزىپ جاتىر. ەلدەگى اۋرۋحانالارداعى توسەك ورىنداردىڭ سانى 54 178-گە جەتەدى. بۇل دەگەنىمىز – قازىر قولدانىستاعى 16 304 ينفەكتسيالىق توسەك ورىن, جاڭادان سالىنىپ جاتقان ينفەكتسيالىق نىسانداعى 2790 جاڭا توسەك ورىن مەن باسقا ستاتسيونارلارداعى 32 064 توسەك ورىن. جان ساقتاۋ بولىمىندەگى توسەك ورىنداردىڭ سانى 2981-گە جەتكىزىلەدى. 2020 جىلدىڭ 9 قىركۇيەگىندەگى جاعداي بويىنشا رەسپۋبليكادا 19 066 ينفەكتسيالىق توسەك ورىن بولسا, ونىڭ 15 پايىزىندا پاتسيەنتتەر جاتىر", دەدى الەكسەي تسوي.
ونىڭ ايتۋىنشا, قازىر ينفەكتسيالىق جانە پروۆيزورلىق ستاتسيونارلاردا وكپەنى جاساندى جەلدەتۋدىڭ 3379 اپپاراتى بار. قوسىمشا تاعى 2619 اپپارات ساتىلىپ الىنعالى جاتىر. ونىڭ ىشىندە 1500 اپپارات وتاندىق كومپانيالاردا وندىرىلگەن.
"2020 جىلى وتاندىق وندىرىستەگى 1167 دانا سانيتاريالىق اۆتوكولىكتى ساتىپ الۋ كوزدەلىپ وتىر. ولاردىڭ ءبارى دە وسى جىلدىڭ قاراشا ايىنا دەيىن اۋرۋحانالارعا جەتكىزىلەدى", دەدى ول.
